كربلا شهر وفا دور حرم امن صفا
كربلا كعبه ي دل قبله ي ارباب وفا
خيمه و تلّ آراسي منظره مروه صفا
خضر و اسكندر اولوب آب بقا مشتريسي
بيز حسين عاشقيوخ كرب بلا مشتريسي
آري آري بو حسين خلقته حيثيـّتدي
كربلاسي هاميا قبله ي امنيّتي
دردلرين چاره سي او ل قانه باتان اللردي
كربلا زائري والله ره منهاجه گئدور
آدي زوّاريدي بو گوگلره معراجه گئدور
اوّلين زائر اولوب مقتله زينب باجيسي
اورگدوب بو گوزل آدابي مؤدب باجيسي
خلق اوپر قبر ي قويوبدي هارا گو ر لب باجيسي
او اوپن مسكني نه فاطمه نه حيدر اوپوب
اوخ سوكن قلبي فقط زينب غم پرور اوپوب
اوپدي اوپدي دئدي قارداش بئله قالماز بويارا
ئولدورر زينبي دلدن دئمه سالماز بويارا
من يارا باغليانام حيف ساقالماز بو يارا
واي گئچن گونلره اي فاطمه نين گل بالاسي
باخورام ياده دوشور سينه ده مسمارياراسي
ئولمه سيدي يارالي مادر خونين جگريم
قانلي ميدانيده يانمازدي منيم خيمه لريم
بو همان اوتدي چكوب شعـله يانور بال وپريم
فتنه شوراسي قورانلار سني ئولدوردي حسين
آناما سيلي ورانلار سني ئولدوردي حسين
قان ياغوب كرب وبلا دشتينه طوفاندي حسين
آنامين درگهي تك خيمه لرون ياندي حسين
ال اياق چالما چوخور يرده اوتاندرما مني
بير كسيم يوخدي چوخور يرده يوباندرما مني
جان وئرنده گوزيوي باغلاماقا قويماديلار
قتلگهده ياروي باغلاماقا قويماديلار
يارالي جان يارالي من سنه قربان يارالي
بو نه عالمدي حسين سن يارالي من يارالي